今晚冬日基礎班特別版，希望你哋有一個溫暖平安的聖誕🎄 每個人心裡聖誕樹嘅樣子都唔同，係最特別 #要趕返屋企沖涼喇 #凍咗

木工班最好的事情係同學都會對生活有個想像然係積極地實踐，無論件事係有幾細如牙籤筒，又幾小事如花盆蓋，佢哋都改變咗日常。

好感動師傅們一直冇離棄我哋，仲好支持我哋甚至加入我哋。為大家介紹MUKDOOK 管小衛師傅，管sir以車床創作見稱，相信大家睇到作品都感受到平和嘅氣氛。 管sir會嚟草途教基礎木工嘅車床課，係呢個時候邀請加入係想俾大家多一個休息空間，除咗學到木藝創作，仲可以透個木俾個心抖一...

望落去好簡單嘅一張白橡茶几仔，但係我就好開心，因為十二個榫位，同學每個都做得好好，而腳位微微修窄，睇得出好有心機，呢個係同學第四號作品，而技術亦進步咗好多，為朋友而整做得特別好。 有時覺得個班叫做「一起進步班」真係冇改錯，我哋總可以一齊做得更好。

最近我會post多啲同學嘅作品，因為想俾大家睇到只要肯去想像肯去做，有咩係冇可能？ 用木片織成凳面，就係咁不一樣。 #基礎班同學作品

最近呢個月，我哋半停工狀態，因為一直以嚟我哋講工藝係為咗教育，講環保係為咗氣候變化，做嘅事都係與我哋下一代有關，想以後佢哋有個更好嘅環境。但係而家，呢個香港，我哋已經冇哂心機再講落去，大家嘅心情都好差好差，而手上的項目亦冇辦法好好進行。...

當被煩事困擾嘅時候，睇睇同學做過嘅作品，就會想繼續撐落去，能夠擁有一個空間俾大家一齊進步，也是幸福的。 木藝係應該純粹的 #一起進步班一直進步緊 #多謝你哋 相片全由同學提供

雖然對每個project都會好著緊，而呢個更令我異常緊張，因為呢批木材其實係來自一間學校，佢哋係幾年前已經好有心咁將校內一棵倒塌了的台灣相思樹開成板料，然後放在學校好好風乾了幾年，材料完全乾透十分靚仔，所以每一寸都得來不易，我哋都因為咁而諗爆要點樣可以好好用到。...

''一起進步班''係我哋最鍾意嘅班之一，每次都感到滿滿挑戰，有人整床頭櫃、有人整茶几、有人整木馬、有人整貓架、有人整枱面飾物... 難度技術個個唔同，因為你哋，我哋都一齊進步中，呢個教與學嘅狀態係最好最靚。 #十點的陽光真好

唔係好耐之前同Patagonia Hong Kong有個攪作，除咗有野講仲有野學有得玩，夾埋熱愛大自然的池師傅，我哋一齊用樹枝嚟做隻哨子，大家齊「吹雞」感覺好好！ 要多謝Patagonia，由最初唔熟悉到鍾意品牌理念都係呢兩個月發生嘅事，與同事傾計感受到大家唔止打份工咁簡單...

一齊諗點樣做，動手嘅時候過層層難關，同學與我哋都係第一次做呢個款，一日未鑿完最後個榫都未知道係唔係成功，真係合得埋嗰刻大家都好感動，相信知道方法後下一張會更好。 就是只要繼續堅持下去 #一起進步班每位都會帶俾我哋驚喜 Photo credit: Duncan

之前紅M借工具俾我哋鋸樹開路，又攪咗個工具workshop，嗰日大家都玩得好開心，未試過一個workshop會有得學有得食又有禮物，紅M與草途總動員的一天。 嚟緊下一轉會由草途主辦，依然由紅M提供工具，而我哋諗緊會唔會轉個形式，學嘅一樣但整唔同作品，亦都可能會收學費後捐俾香...

有一朝早收到同學返到屋企嘅作品相，嗰一日我哋好感動，因為你嘅耐性耐力細心為屋企添上溫度。 Photo credit: Kwan

今日我哋應下節為大家帶嚟一個木工鬼故... （係鏡頭後師傅講咗兩個，佢應該係想測試我哋專心度....同膽量...） #罕有的拍攝手法 #鬼馬師傅 #夜媽媽木藝班 #嚟喇嚟喇嚟喇 #都話咗你唔好講鬼故架啦

同學話拎隻木馬送俾朋友個仔，係街上面有人問佢係邊度買😂，得到朋友的激讚滿足感超大吧 #由唔識到識 #同學好叻呀 #一起進步班 Photo credit: Kitty

有咩驅使大家係大大太陽下的星期日嚟上堂，係愛丫定麥師傅？ 仲有如法拉利般的傳統酸枝工具 - 「刮鉋」，真係連博物館都未必會收藏到，而草途竟然有一個師傅親手造的！係愛呀 ❤️ #馬胡凳製作中 #明式傢具專題研習

肯去試肯去做，總會完成到！ 草途好好基礎班，個榫入到啱啱好，又設計到個外型鬼死咁靚，我開始懷疑你哋係唔係之前真係冇學過？😂 好叻呀你哋！ ***順便呼喚未完成的同學返嚟，我哋等緊你啊！*** #歡樂滿載班 #相信威迫利誘是有用的 #ontime完成

活潑多鬼主意，嘻嘻哈哈咁完成，學習應該就係咁，每個人都好特別唔同。另有感動位係同學好俾心機打磨，落堂後選擇繼續留低多兩個鐘，整到自己最滿意先肯走，但對筷子唔係俾自己，而係送俾爸爸媽媽（俾自己就冇咁好心機），我好開心教到呢班小朋友。 #耀中國際學校 #我教你你教我 #快樂學習

噚晚《一起進步班》有嚟自佛山傢具廠的師傅嚟草途教我哋點樣進步，師傅們教到唔捨得走，同學亦做到忘我境界。 能夠分享技藝同感受熱烈的學習氣氛，除咗我哋學到，亦希望師傅們係草途有點點得著。 #星星之火 #草途交流團 #你來我往

為咗自己的作品展，今次HKU Space的學生們跟池師傅學點樣做到快靚正嘅展示箱及架，最基本電鑽電批都可以做到出神入化，經過佢哋兩日努力，塞爆5.5向著展場PMQ進發。最開心係佢哋除咗得到個展示架，仲有知識，將來都好大機會再用到今日學到嘅💪🏿...