雖然對每個project都會好著緊，而呢個更令我異常緊張，因為呢批木材其實係來自一間學校，佢哋係幾年前已經好有心咁將校內一棵倒塌了的台灣相思樹開成板料，然後放在學校好好風乾了幾年，材料完全乾透十分靚仔，所以每一寸都得來不易，我哋都因為咁而諗爆要點樣可以好好用到。
首先要令從未接觸過榫卯的學生做入榫凳的確唔易，所以我哋減少開榫的數量，做one leg stool，但就要解決力學的問題...厚板一定好穩陣，不過就需要用好多材料，點樣可以概省料又做到，呢個係我哋上堂前嘅功課...自己先搵新手試一下手鑿開榫測試所需時間，好似都合格做得到就製定尺寸及每堂行程，開好料就預備所需要的工具，好似'到會'咁準備就緒。（差一架到會車仔）
課程仲未上完，但就想同大家分享呢件好事，因為除咗入榫接巧，仲有嘅係令學生知道物料、生活及環境之間的關係，曾經陪伴著大家成長的樹可以再被好好利用，呢個係第一課。