木庫初衷

May 7, 2019

有冇諗過下一個「山竹」又嚟緊,到時大家打算點做? (長文慎入)

 

要知道樹從來唔係垃圾,所以唔存在垃圾回收呢個字眼,上年草途堅拎唔回收樹就係呢個原因,因為我哋冇權去使用你哋屋苑/道路/公園嘅資源,我哋只可以教大家點樣處理,呢半年我哋去咗好多地方,亦覺得好似可以再堆前啲,不如俾我哋講下「木庫」。

「木庫」係咩嚟?

 

有時做到時間都亂哂,搵翻最早一篇草途的報導而關於「木庫」的是兩年前。兩年幾前因為唔捨得見到木資源被錯誤地處置到堆填,我哋透過工藝的手法開始實驗香港樹的可能,亦幸運地有大大少少的展覽機會令到我哋可以更癲地試,其中一個就係牛棚的「木庫實體站」,當時我哋係提出一個concept - 香港可唔可以建立木資源庫,結果因為一個颱風,討論效果超出我哋嘅想像,多咗好多朋友留意,亦多咗機構考慮攪番個。

 

但「木庫」對我哋嚟講係啲咩?

佢係一個系統,因為木林處理涉及好多的專門知識,如何開料如何乾木如何儲存等等,然後將已準備好的木料使用。當有木料時我哋就可以諗,可以係工藝師 x 設計師,也可以係社區 x 學生,多種可能性發生。

 

然而「木庫」係唔係要'唯一一個'機構做?參考「不是垃圾站」,如果能夠做到橫向發展,互不從屬又互相扶持支援,各區各機構及學校都有「木庫」,或可組成聯網分享,個想像空間大咗,做嘅嘢亦會多咗,令大家都知道點樣使用木資源,唔係只有'我哋',唔再係由上而下,而係分享式資源。

 

我成日好囉嗦講咁多,因為我哋睇到呢個係一個資源,多咗人留意嘅時候自然多咗商人去諗點搵錢,搵錢冇罪,但浪費資源有罪。

 

借用上次白千層的照片
每棵樹可能都有個朋友想好好珍惜佢

希望其他樹都一樣

 

Please reload

Our Recent Posts

樹根的故事

October 24, 2019

職安真漢子

October 4, 2019

蝴蝶榫補上希望

October 2, 2019

1/1
Please reload

Tags

 

On Lok Factory Building, 97 Ha Heung Road, To Kwa Wan, Hong Kong

©2017 by Cou Tou.