雖然好唔想打風塌樹同見到被鋸樹，但如果真係咁啱係打風前後見到有樹幹可執而又擺唔哂的話可以考慮呢度：
「木庫實體站」的出現係因為我幾乎每隔幾日就會收到朋友的訊息話有木可執，而另邊箱又會收到訊息問我有冇樹幹可俾，久而久之草途就好似一個木材虛疑分享平台咁，一直靠著傳遞訊息去分享木材。最近我哋係牛棚參展，可以趁住有大大地方嘗試木庫實體站，將諗法由一小步開始實踐...
「木庫實體站」 - 你擺我收，你嚟我俾 交收模式好自助，只要寫低拎走或者擺低的木種及數量就可以。最近有啲好靚嘅花旗杉，埋嚟睇下啱唔啱用。
地點：牛棚1a space 「工藝重索」 期間：8/9/2018 - 28/9/2018 時間：星期二至星期日 11am -7pm
全世界只有香港將樹資源當成垃圾處理，雖然而家好細規模，但希望可以慢慢話俾政府聽香港木係好有用。