沉澱了幾日，我哋睇睇今日新聞先，究竟問題出係邊？我哋講其中一點：
- 冇分類 唔識分類 不能分類
日日都收到朋友send張相嚟問究竟係咩樹咩品種，老實講真係好難憑樹皮樹心認，曾有園藝師同我講佢哋認樹除咗睇樹外形樹皮，仲有葉同花同果實。
而家冇系統亂咁堆，之後再點分出嚟？？
一開始就冇諗法，迫迫下就整個臨時廢棄處，而家只堆唔分類想點？其實就算咩都唔做只係堆肥，有些樹係唔適合？
係呢點想徵集大眾力量，平時我哋睇香港樹名錄就係有葉花果實，但呢排我哋多咗一樣，樹的端面！如果大家係街上仍見到塌樹，可否影相及詳細記錄位置，這是第一步，有時間行多一步請睇下有冇一個牌仔或者問管理員，一般私人屋苑都有記錄種了咩樹，而政府種的按道理只要有牌仔同詳細街號，就會查得到。
我哋好想要呢個資料庫，因為要先分門別類先可以好好用香港樹資源，用得其所下棵棵都係名樹。 如果有資料請PM或info@coutou.space，先感謝大家🙇🏽