紫薇牛奶木杯

今次要試的是大葉紫薇，聽遙遙師傅講收返嚟吹乾已經一段時間，但早排濕度低過五十就突然裂到開花，冇丟棄冇唔理繼續試，因為裂痕有千萬種方法修補，可以是其中一種美，或者之前係日本學的生漆金繼之技可大派用場。

大葉紫薇木清爽易車多毛頭，冇龍柏木的艷麗粉紅，但卻溫厚，感覺可以在冬天裝上一杯熱牛奶，用多幾張砂紙打磨，一樣發光發熱。

#香港樹呀樹 #花名叫葉紫薇牛奶杯