• MeiSuet

手藝何價?

今日拜會了荃灣木匠龍伯伯,八十幾歲人雙腳唔好,靠住雙手每日慢慢做入榫凳,以為龍伯伯做了多年?原來入行只十幾年,六十幾歲時因身體不好而要由泥水搬運工轉行,轉到木藝,由零開始學起,當我哋認為六十幾歲應該要退休,但龍伯伯兩夫婦先開始他們的另一番事業,拆卡板用舊實木床架整,其實他們就係環保先鋒,每一張也有血有肉,一日賣一張,一張賺一百蚊,賣一百蚊張有很多原因,其中一樣是因爲怕賣不出去,所以知道就算蝕著造也要為了生活而做。

我買走了四張凳時龍伯伯他們十分開心,但我想這開心延續及令他們有合理的回報,所以打算將四張凳重新打磨上油再放出嚟俾大家選購,讓木紋重現,讓龍伯伯親手造的凳得到應有的價值。

用雙手帶出更多可能性,大家亦有多個選擇。

25 views0 comments

Recent Posts

See All

師傅們的教導

好幸運經常有師傅們的教導,將之記錄下來也是我們唯一能做的。 今次題目係 - 點樣整平紅木 呢個係以前佢哋最省錢整得最靚的方法 留意片段師傅講:買套砂紙成日人工,邊捨得買 短短幾十秒短片不能盡錄,希望之後會出到木藝Zine俾大家睇,都係實實在在拎實本書好,大家覺得呢? #阮師傅 #練師傅 #成日都忽發奇想 #辛苦同事

日式鉋的藝術

在草途上,我哋一齊學習一齊行 上個月邀請了來自台灣的黃老師分享日式鉋的藝術,每一步都需要精密,不能急,最能夠表現到工藝的極致。三十多秒的片段,其實我們上了五天的研修班,練手也練心,只要有一刻不堅持便完成不到自己造的木鉋。 教學影片遲啲再出,有時睇住呢段都會提醒住自己究竟追求緊啲咩 。