同學話拎隻木馬送俾朋友個仔，係街上面有人問佢係邊度買😂，得到朋友的激讚滿足感超大吧 #由唔識到識 #同學好叻呀 #一起進步班 Photo credit: Kitty

有時諗我哋都係靠木而生嘅人，係唔係要比其他人更愛護呢個環境，好好利用資源之餘更要落力保護森林和建林（夢想） 相關閱讀： 一人植千畝森林

有咩驅使大家係大大太陽下的星期日嚟上堂，係愛丫定麥師傅？ 仲有如法拉利般的傳統酸枝工具 - 「刮鉋」，真係連博物館都未必會收藏到，而草途竟然有一個師傅親手造的！係愛呀 ❤️ #馬胡凳製作中 #明式傢具專題研習

今日先師誕，人頭湧湧煙火鼎盛 然後屋頂繼續漏水，地基繼續下沉 #可喜還是可悲 #係咁開心嘅日子要話俾你聽咁殘忍嘅事實 #歷史建築物 #保育 #復修 #同場加映一年難得一開嘅廣悅堂內貌 #先師廟真係最好嘅backdrop

今日師傅們上到嚟咁啱遇著送貨！只係紙箱張圖都已經夠我哋j好耐😭 儲咁耐錢都要買返嚟只係希望大家手指指平安，心想事成，學得更多！ #SawStop #一掂即停鋸

以前香港酸枝花梨傢具廠百花齊放，不同門派做出嚟也各有不同，今次邀請到麥師傅示範上海派開榫方法，同我哋見開的廣東派好唔同，大家又練習下呢種開榫方法，好啱開硬木用。 #多謝麥師傅 #陸續有師傅教路

一切源自於一個問題：點解政府要將咁好嘅天然資源堆填？ 唔通除咗變成垃圾外，香港樹就冇其他出路？ 唔知道點樣去寫計劃書寫得靚，但我哋就可以用雙手一點一滴咁去做出嚟。一個人做好似好蠢好冇效率，但我相信人影響人，有一日一定會做到香港木材資源庫，做到嗰個唔一定係我，可能係而家肯行出...

肯去試肯去做，總會完成到！ 草途好好基礎班，個榫入到啱啱好，又設計到個外型鬼死咁靚，我開始懷疑你哋係唔係之前真係冇學過？😂 好叻呀你哋！ ***順便呼喚未完成的同學返嚟，我哋等緊你啊！*** #歡樂滿載班 #相信威迫利誘是有用的 #ontime完成

活潑多鬼主意，嘻嘻哈哈咁完成，學習應該就係咁，每個人都好特別唔同。另有感動位係同學好俾心機打磨，落堂後選擇繼續留低多兩個鐘，整到自己最滿意先肯走，但對筷子唔係俾自己，而係送俾爸爸媽媽（俾自己就冇咁好心機），我好開心教到呢班小朋友。 #耀中國際學校 #我教你你教我 #快樂學習

三日前我照郭師傅所說去咗一間丟空的村屋睇下歷史，同村有幾間屋都是三級歷史建築物，望落個樣差唔多的村屋也話唔定有相同歷史。 四邊青磚麻石牆仲係好穩固，屋頂瓦仔同樑就拆哂落嚟。當時我影相做記錄睇下有咩可以留低，在入村時認識了同村的叔叔，佢熱心幫手聯絡管理人，睇下就算清拆都唔係全...

噚晚《一起進步班》有嚟自佛山傢具廠的師傅嚟草途教我哋點樣進步，師傅們教到唔捨得走，同學亦做到忘我境界。 能夠分享技藝同感受熱烈的學習氣氛，除咗我哋學到，亦希望師傅們係草途有點點得著。 #星星之火 #草途交流團 #你來我往

今個星期六我哋會係合舍做個分享，其實最想嘅係認識大家，同埋想搵一齊做手工具嘅朋友，加入《草途作器》大家庭，每個星期同我哋見面一齊整，有興趣嘅朋友今個星期六嚟合舍認識下睇下《修榫合卯》展覽 ❤️

為咗自己的作品展，今次HKU Space的學生們跟池師傅學點樣做到快靚正嘅展示箱及架，最基本電鑽電批都可以做到出神入化，經過佢哋兩日努力，塞爆5.5向著展場PMQ進發。最開心係佢哋除咗得到個展示架，仲有知識，將來都好大機會再用到今日學到嘅💪🏿...

今日郭師傅送上一批舊工具上來，聽說係佢四周尋寶尋返嚟，有圓規有角尺，然後佢話：「不以規矩，不能成方圓。」因為角尺本身都唔啱直角嘅時候，我哋做咩都係錯，呢個時候就要重新定立一套。 呢套咁準的工具我想大家用嚟整個盒仔放好佢，搵郭師傅做個《規規矩矩盒仔連工具班》好唔好？...

每星期都有好多值得期待嘅事，其中就係《一起進步班》，你哋諗到做到嘅比我想像的更多，開始好比心機畫樣開料，有咩好得過一齊工作一齊進步。

連日來都懷住一個就算冇人要到但都想好好為佢哋留個記錄的諗法，係大汗答細汗下終於完成葉氏傢俱廠機器相集，每架機我哋都盡量影，盡量保持原貌。機上的出產地、標記、形號、出廠年份...我哋都一一影低令大家由照片感受到當中故事，亦從機器的種類睇到香港輝煌木工業歷史。...

風和日麗的星期日，強師傅帶我哋行一條特別的復修之路，多謝咁多位朋友踴躍參與，冇甩底冇早走，大家好投入成個過程！強師傅訴說一磚一瓦歷史，而郭師傅以木匠角度教大家點睇神檀的工藝，由底睇到落頂，由天睇番落地，跟住師傅行魯班廟獲益良多，之後大家一齊飲茶再傾下計，好享受成個氣氛！

《日本直送》 介紹呢把係欄間鋸又名鎖匙窿鋸，因為尖頭又細把，做多種細工或轉彎位都得，經過衝擊燒入處理，硬木軟木無難度，細細把居家必備，出外工作用亦很方便。而鍛造的係百年歷史的鍛冶工房 - 光川順太郎，佢哋打造出的刀有著匠人的精神，經過特殊熱處理後更耐用。...

今次師傅們嚟到，我哋先暫停講工具而轉為請教如何做明式傢具，自從上次俾佢哋見到本收藏目錄，就好似重新開啟了佢哋小宇宙，就算已經做過個百款，佢哋對待每一件都好認真研究，真係坐係度同我對住張紙傾咗成個鐘，我諗下次已經可以準備出大樣試下一步一步做。...

最近除咗日常嘅班、遊學團、草遊作器、明式傢俱重現....其實仲有整緊草途個網頁！！！ 我哋將草途所有文章整理，師傅記錄同埋教學文都會一一擺上去，而最重要係多咗個'SHOP'，賣嘅方向係我用過覺得好嘅工具同埋師傅們作品，不過因為啱啱開又未做過零售，開個檔都係想方便同學睇到有咩...