！發夢突發奇想！
用香港百種樹做百子櫃 每個櫃桶用香港樹嚟整 然後入面裝住木與故事 就好似圖書館咁
呢幾年都有師傅提起以前佢哋整百子櫃嘅故事，嗰種鬥快鬥手藝好可能就係木匠的浪漫，亦代表住舊時香港。咁啱噚晚有匠人朋友提起做櫃工時，我哋講笑話一定要做百子櫃啦，然後講講下燃點咗一點火....
我真係好想整個百子櫃！！！除咗係工藝上面嘅表現外，呢個百子櫃仲會帶著知識。
另外有技術上考慮，因為做凳做枱未必隻隻木夠力，但細櫃桶所需嘅承重力較低，最可以用到哂咁多種木。最後實際上考慮，整完應該擺係邊先可以俾到大家睇呢？
雖然而家進度係0.1%，但係發夢呢啲嘢，有大家一齊發就可能會成真。