由之前木庫實體站交換資源到用唔同香港樹做到唔同嘅作品出嚟，呢段期間知識多咗少少，但仲有好多方面的不足，就好似一直想整理一本香港樹/木材的資料書仔，由樹去到木材，唔係想要大家齊去斬樹，而係透過木資源而認識樹同我哋生活之間嘅關係，珍惜係一種習慣，當大家知道原來每種香港樹都有用嘅時候，我哋會唔會多啲觀察身邊嘅事物，學習善用資源。
我哋需要大家嘅幫手令書仔有更多資料更專業及搜集更多的香港木材，暫時我哋只有十多款木料，有啲由於來源不肯定而不能納入名單，如果有攀樹師、園藝師、團體、機構、屋苑...等等，只要你手上有樹將會修剪或已修剪未丟，又清楚該樹樹名，我懇請大家可以俾個機會我哋嚟拎少少，我只要一小部份就足夠。香港樹種十分豐富，只有我哋一定不能成事，希望可以積少成多搜集到一定的量同大家分享資料。
我哋會keep住update資料，若果可以請幫忙轉發...謝謝大家