就係咁，拖你一頭半個月等熱潮過去就拎去堆填。
每個星期我都打去環保署問如果係團體應該可以點申請拎樹，然後每星期都叫我等等，等等等等等等，等到而家拎去堆哂去都唔比你，其實佢唔比係冇問題，但點解要拎去堆？7000噸係一個咩數字？呢個係一個無系統下所產生的數字，好想問政府究竟有幾多的木資源係佢哋口中所講的 '回收再用' !
點解我成日煩環保署係有段故，話說我每次都係以公眾登記，而俾公眾拎嗰個區域嘅木唔多而少選擇，有一次去啟德時，上一轉係一間學校嚟拎，拎咗滿滿一車離開，然後嗰日登記咗嘅市民就變成白行一趟，問幾時再會夾，職員話要等，要等contractor夾出嚟...阿contractor又唔知幾時會肯夾...，就是咁。
拎住個已登記市民拎樹數字就當功績，真正功續係建立系統制定政策！除咗打風，每一日政府都係會 鋸 十 分 多 樹 ，開山劈路鋸樹、種得唔啱鋸樹、開心鋸樹、唔開心鋸樹，鋸樹原因千百個，但處理方法只得一個。
發完脾氣又係要繼續做，急急做，政府唔做，自己做！！！