怎樣存放香港樹?

September 18, 2018

 

暫且唔講政府點樣處理塌下來的香港樹,呢個post只係根據我哋一點點經驗,用非專業嘅詞匯教大家點樣存放香港樹:

 

問題一:要唔要去皮?

視乎樹皮係點樣,根據我同朋友的經驗是左圖的樹皮會較惹蟲,通常呢種樹皮嘅樹會較多樹汁,所以遇到呢種樹皮就會先去皮。
而右圖樹皮感覺乾爽光滑,就算打風落雨樹皮也沒有癡立立感覺,呢種樹皮可選擇以後才去皮,因為留樹皮有助木材自然風乾得更靚。

問題二:點存放?

打直放在通爽位置,又唔好直接吹風,唔好俾太陽直曬。頭一點係為咗唔發霉,另外兩點係為咗唔好咁快抽乾水令木材裂開。
如果想效果更好可以係端面塗白膠漿/木膠/蠟/漆,咁樣收水會收得更靚更少裂紋。

開題三:等幾耐?

一般擺兩至三年就用得,視乎木材直徑大細。
之前用細樹幹整杯,等幾個月就用得冇裂。

 

大致上係咁,更專業的方法有好多,我哋講嘅亦未必係絕對,只係用最簡單的方法教大家解決眼前問題。我知道大家仲猶豫緊執唔執好,要記住根據現時香港法例係公眾地方就算執條樹枝都係唔得,而私人地方就要同花王或持有人講呀,就算唔想樹被堆填,但都要小心為上!

 

我哋會繼續搜集多啲木材知識分享,如何由樹幹開做木板,再由木板變做傢具,亦想藉此徵集多啲意見,大家有幾想用香港樹?

Please reload

Our Recent Posts

樹根的故事

October 24, 2019

職安真漢子

October 4, 2019

蝴蝶榫補上希望

October 2, 2019

1/1
Please reload

Tags

 

On Lok Factory Building, 97 Ha Heung Road, To Kwa Wan, Hong Kong

©2017 by Cou Tou.