草途作器

星期五又到了精彩時刻，師傅們繼續上嚟同我哋玩，今日復刻木鋸仔，首先整咗個模型再用廢棄了的鋸片背面學開鋸，除咗學到最難處理嘅部分，最精彩的係師傅們專注與笑容。

呢個《師傅教整工具》系列，我哋起咗個名叫做《草途作器》，我哋每一個月都會同師傅學一樣佢哋以前用的工具，再一齊再重現出嚟，當中得著除咗有實物，仲會記錄香港的木藝歷史。