今日古蹟復修王鴻強師傅遇上波師傅，惺惺相惜，知識花火閃到周圍都係，只係講酸枝有幾多種已經可以講半日，可惜我抄唔切....
王師傅除咗做古蹟復修，仲係志記鎅木廠Chi Kee Sawmill & Timber其中一位靈魂人物，由細開始食木食到大，再難分辨的木材也難不到王師傅 (同學拎上嚟的原木，師傅一眼認出了)，點樣用，用係邊，所有關於木材的事有問必答。
最得意嘅係王師傅上嚟帶手信係紅壇，波師傅都回禮親手造的酸枝木刨，個個都係限量版，我諗呢個就係師傅與師傅之間的浪漫。
由於傾得太開心，但自己聽哂唔分享好似自私咗啲，所以王師傅話可以為我哋開一堂講木材種類，有冇人有興趣聽？
好幸運經常有師傅們的教導，將之記錄下來也是我們唯一能做的。 今次題目係 - 點樣整平紅木 呢個係以前佢哋最省錢整得最靚的方法 留意片段師傅講：買套砂紙成日人工，邊捨得買 短短幾十秒短片不能盡錄，希望之後會出到木藝Zine俾大家睇，都係實實在在拎實本書好，大家覺得呢？ #阮師傅 #練師傅 #成日都忽發奇想 #辛苦同事
在草途上，我哋一齊學習一齊行 上個月邀請了來自台灣的黃老師分享日式鉋的藝術，每一步都需要精密，不能急，最能夠表現到工藝的極致。三十多秒的片段，其實我們上了五天的研修班，練手也練心，只要有一刻不堅持便完成不到自己造的木鉋。 教學影片遲啲再出，有時睇住呢段都會提醒住自己究竟追求緊啲咩 。