• MeiSuet

白千層的樹幹


我哋冇大型機器,只係多管閒事

見到朋友唔捨得那棵陪著長大但因為公路擴建工程而斬的白千層,阻止唔到發展,但唔想樹死後也只能成為垃圾,所以我哋試著聯絡相關處理人士,很幸運的遇上好心的同事願意配合,把八尺樹幹留下來,然後我們便開始工作,找上了吊車司機把大樹吊到工場,只有Roy可以咁快手同專業將樹處理開成板,計過度過的𠝹木,板料方料全在考慮中,開得咁靚全靠Roy。

不停聽到建議話白千層開嚟都冇用,起初都信以為真,今次決定開成板料全是為了朋友試一試,然後這棵大樹讓我哋都好驚喜,心材完整冇爛,冇蟲孔冇天牛,只要摵開一寸厚的千層樹皮便見完美肌膚,根本唔捨得捨棄任何一個部份。

開完很興奮後還是需要等耐,等待乾燥穩定先再可以加工,希望乾燥後會諗到一件最適合的作品,學朋友講的「把樹的身驅轉化成木材,永遠陪著我」,雖然呢次朋友好開心可以保留到樹幹,但因為城市發展而要斬樹點講都係件傷心嘅事,仲有嘅係大家可能諗等多幾個月打風就有好多木材用呢個亦係令人傷心,我哋只係珍惜有用嘅資源,而唔係想見到不停亂種樹亂斬樹。

Recent Posts

See All

監管走私木材

作為市民想就著呢件事了解多啲。 曾經讀過關於充公木材需要考慮是否刺激貿易市場,而家將市值上億嘅木材送去原先走私的國家,國際公約秘書處是否知情?如知情是否有透明度可監察? 我哋尊重大自然俾我哋嘅資源,如果能夠有監管用得其所係件好事,但係最討厭嘅就係大嘥鬼,亂用唔識用浪費保貴資源,下次可唔可以留啲係香港好好善用? #好想知道係修繕邊個部分 #如果有個團帶我哋學下嘢就好 #我應該要搵邊個問? #一