塌樹小凳的意義

山竹過咗半年，當時景象或者唔太記得了，塌樹要唔要再用都冇所謂了，然後我哋等到係半年後的今日與生產力促進局HKPC嘅同事用當時局內的塌樹一齊學習做小凳。

意義在於珍惜、意義在於工藝、意義在於等候、意義在於一齊、意義在於學習，Team building的意義大概就是透過一齊學習尋找著共同的理念。由倒塌到收集到清潔到存放再交到我哋手開成材料再一齊製成小凳，我哋相信唔駛我哋再多講，大家已經知道體驗到什麼。

係呢度要再次多謝師傅池哥用心的教導及備料，小凳仔的三角腳是用了裂開的碎料開成，裂開的凳面加上蝴蝶防止再裂，仲有多謝Woody收集樹枝這部分，大家為咗呢次盡力做到最好。呢次將會係一個好好嘅範例，一班同事的經歷不只是'team building'。

Photo credit: 生產力促進局