師傅由造傢私到維修傢私，因為對結構的熟悉，輕鬆地將其拆開清理榫卯再補木組裝，把客人婆婆留落嚟的一套花梨凳修理好再次可以用多幾十年，維修期間客人仲講咗呢套凳的家庭回憶。
雖然成日好忙，但唔會錯過跟住師傅上門維修的機會，因為每次遇到的傢具問題都有唔同，每次完成後都覺得level up，而Bonus係客人的故事及修理好後的笑容。維修除咗開心，仲減少咗一件傢私被棄置被堆填，記得以前在外讀書，當地政府係中央回收傢具，能修理的就修理好開放給市民登記再用，不能修理的就拆件回收好，將垃圾量減低，重用資源。
就嚟農歷年喇，去舊迎新可以係好好保養傢具如新一樣，就算爛少少嘅試下自己整，用雙手去修理好可能會帶嚟好大成功感。