• MeiSuet

造香港樹傢具


啱啱今日送完貨就好想同大家分享呢個任務(長文一篇),本身以為不可能,然後經過朋友們的幫助竟然如期完成。

要多謝的是原野木藝的遙遙師傅,我越洋一通電話求木時,師傅二話不說準備香港樹俾我,嗰啲係佢已收起幾年的木! 然後要多謝強人Roy,又係捱義氣幫手咁急開板料,開得非常直,令我哋製作時間縮短。 仲有我哋嘅朋友MAD,多得佢哋嘅信任,我哋先可以成功'sell'到香港樹嚟做凳。

原先大家都覺得點解要攪咁大壇嘢,點解唔直接去木行買精料做咪方便又省時,可能係我哋真係好想試,好想話俾大家聽香港樹唔係垃圾,而今次因爲作品會一直擺係油街實現,所以係一個好機會俾到大家睇香港樹嘅可能。呢兩個星期我哋使出渾身解數,用哂我哋係師傅們身上學到的技術,最後能夠趕工做起真係好感動!雖然木傢具擺係戶外始終壽命會較短,而我哋要學習點樣保養及回歸自然,我哋油嘅係天然戶外油,揀咗較深色都係因爲聽取油商意見,深色的會較淺色的油戶外表現更好,所以我哋就徹底地油了柚木色。(雖然我好唔捨得原木色...)

以前好抗拒量產,因為覺得又為地球帶嚟負擔,但原來轉一轉念,只要能夠做到更綠色,能夠帶到訊息俾大家,做多啲又點解唔得?

#仲要多謝強哥池哥兩位師傅的意見 #多謝油街實現 #其實仲有兩張一月先交 #多謝體諒 #我要講多幾次我真係好鍾意條邊 #自然的曲線

4 views0 comments

Recent Posts

See All