打山竹前一年我以車香港樹杯做記錄，嗰陣時要拎不同樹種比較困難，靠著攀樹師朋友及師傅大方的供應。打山竹之後我就再冇做杯了，因為驚誤導大家，所以想等熱潮過去後先再造。
以器物嚟做媒介記錄香港樹的特性及美麗，起初係自己的一個細project，冇諗過可以有更遠的發展，直至早排在台灣書店先發現在幾年前的日本已有幾位大學教授連同一位工藝家出版了一本《世界木材事典》，正正是以器物來記錄世界各地木材的木理、色彩、氣味、用途及加工，原來事情可以做得咁好咁完整。買了本書後有諗過就咁將香港樹杯close file，但後來又諗我哋可唔可以做好啲？一個人做得幼淺，咁可唔可以兩個人做？三個人做？夾埋專業知識一齊去做，除咗記錄到香港木材之美，仲可以透過木理去想像用途，'不堆填'的可能性。
要執行到呢個project需要更多的力量，要有木有人有研究，我哋做唔做到呢？