• MeiSuet

木材要風乾


大家有冇摸過啱啱塌下嘅樹係有幾濕?

以下再分享小小知識:

係上兩篇都有講過木材係需要風乾先可以用,究竟點解呢?唔講可能會發霉嗰啲,我哋只係講會變形會裂嗰啲。

木材要時間乾唔係新事,係行業裡面罷得越耐嘅木料係越好,我哋稱為老料,如果市儈啲以價錢嚟講,老料會比新料貴好多倍,咁又點解呢?因為木料罷得越耐就表示穩定性會越高,做傢俬時我哋會用少變形少有裂嘅木料,呢一點好重要。

知道大家係自用,所以更加想大家整得好,如果而家心急整出製成品,相信過一排變形發霉大家又係將佢拎去垃圾房,呢個已經唔係肯唔肯借出工具借出工場嚟解決嘅問題,而係已經教咗最簡單儲存嘅方法,我可以再教埋點用乾透嘅木料,但唔會為咗賺你一個like教你而家用濕木料去整,更唔會開放工場借工具出嚟,因為咁樣只有愛你變成害你 (樹呀~)

上圖係早幾個月一位園藝師送的荔枝樹,我哋測試如果即時處理開板效果,開完板後係冇任何專業儲存下,幾日之後就由一塊又直又靚的木板變成一塊又裂又變形棄之可惜的木料。

最後一句:就算係原木凳仔都需要好好風乾。

9 views0 comments

Recent Posts

See All