我明白到大家的唔捨得
噚日義工幫村落清道路，走了兩間屋都是被樹砸毁，雖然係咁，但屋主在言談之間沒有任何抱怨，仲會諗樹被鋸走後可以用嚟做啲咩，唔係因為係名樹，而係大家與樹一起長大。
明白到唔捨得的心情，呢兩日大家不斷問究竟救唔救到自己社區裡的樹，相信只要肯去哂咁多個地方，整個牛棚都可以被我塞滿，甚至十個牛棚，然而一個牛棚又點樣處理哂全香港的樹？我不斷鼓勵大家諗方法一齊處理，「木庫實體站」係一個引子話俾大家聽香港樹資源係有可能，但同時間我需要大家一齊幫手去做，呢個唔係期間限定，唔係一個風之下就完咗件事，而係以後大家珍惜嘅樹都可以用得番。
有人話山竹後倒塌的樹木不佔堆填區好多位，對比起香港人每日用紙量真係小毛見大毛。香港樹資源真係只有環保就再冇其他？係用香港樹嘅時候，其實我哋學到啲咩？除咗好實際的數字外，樹與我們之間的生命教育成為重要課題。